បរទេស៖ នេះបើយោងតាមការចេញផ្សាយរបស់សារព័ត៌មាន RT នៅថ្ងៃទី៣ ខែមេសា ឆ្នាំ២០២២ បានអោយដឹងថារដ្ឋមន្ត្រីក្រសួងសេដ្ឋកិច្ចស្លូវ៉ាគី លោក Richard Sulik បាននិយាយតាមកញ្ចក់ទូរទស្សន៍ជាតិថា ស្លូវ៉ាគីនឹងទូទាត់សម្រាប់ថ្លៃឧស្ម័នធម្មជាតិរបស់រុស្ស៊ីគិតជាប្រាក់ “រូប” ប្រសិនបើនោះជាអ្វីដែលវាត្រូវការ ដើម្បីរក្សាលំហូរទំនិញ។
លោក Richard Sulik បាននិយាយថា “ប្រសិនបើមានលក្ខខណ្ឌក្នុងការបង់ប្រាក់ជាប្រាក់រូប នោះយើងនឹងបង់ជាប្រាក់រូប”។ លោកបានសង្កត់ធ្ងន់ថា ការនាំចូលឧស្ម័នពីរុស្ស៊ីមានប្រហែល ៨៥% នៃការផ្គត់ផ្គង់ឧស្ម័នស្លូវ៉ាគីទាំងអស់។
លោក Richard Sulik បានសង្កត់ធ្ងន់ថា “យើងមិនអាចកាត់ផ្តាច់ពីឧស្ម័នបានទេ” ដោយជំរុញឱ្យប្រទេសនៅអឺរ៉ុបផ្សេងទៀតរួមគ្នាស្វែងរកដំណោះស្រាយ៕
