បរទេស៖ នេះបើយោងតាមការចេញផ្សាយរបស់សារព័ត៌មាន RT នៅថ្ងៃទី១ ខែមេសា ឆ្នាំ២០២២ បានអោយដឹងថាមន្ត្រីសន្តិសុខជាតិកំពូលរបស់សហរដ្ឋអាមេរិកបានអំពាវនាវឱ្យឥណ្ឌាកាត់បន្ថយទំនាក់ទំនងសេដ្ឋកិច្ច និងយោធារបស់ខ្លួនជាមួយរុស្ស៊ី ដោយព្រមានអំពី “ផលវិបាក” សម្រាប់ប្រទេសណាមួយដែលជួយទីក្រុងមូស្គូឱ្យជៀសផុតពីរលកនៃទណ្ឌកម្មរបស់លោកខាងលិចនាពេលថ្មីៗនេះ។
ថ្លែងទៅកាន់អ្នកសារព័ត៌មានបន្ទាប់ពីជួបជាមួយមន្ត្រីឥណ្ឌាកាលពីថ្ងៃព្រហស្បតិ៍ ទីប្រឹក្សាសន្តិសុខជាតិរបស់ទីក្រុងវ៉ាស៊ីនតោន ទទួលបន្ទុកសេដ្ឋកិច្ចអន្តរជាតិ លោក Daleep Singh បានជំរុញឱ្យទីក្រុងញូវដែលីបញ្ឈប់ការនាំចូលថាមពលពីរុស្ស៊ី ហើយជៀសវាងការផ្លាស់ប្តូរណាមួយដែលអាច “បំផ្លាញ” ប្រាក់ដុល្លារអាមេរិក៕
