បរទេស៖ នេះបើយោងតាមការចេញផ្សាយរបស់សារព័ត៌មាន RT នៅថ្ងៃទី៣១ ខែមីនា ឆ្នាំ២០២២ បានអោយដឹងថា ប្រទេសចិនបានសម្រេចចិត្តដាក់កម្រិតទិដ្ឋាការសម្រាប់មន្ត្រីអាមេរិកមួយចំនួនជាការឆ្លើយតបទៅនឹងវិធានការស្រដៀងគ្នាដែលទីក្រុងវ៉ាស៊ីនតោនបានធ្វើកាលពីដើមខែនេះ។
អ្នកនាំពាក្យក្រសួងការបរទេសចិន លោក Wang Wenbin បាននិយាយកាលពីថ្ងៃព្រហស្បតិ៍ថា “ភាគីចិនបានសម្រេចដាក់កំហិតទិដ្ឋាការចំពោះមន្ត្រីអាមេរិកមួយចំនួនដែលផ្សព្វផ្សាយព័ត៌មានភូតកុហកអំពីបញ្ហាសិទ្ធិមនុស្ស ការដាក់ទណ្ឌកម្មប្រឆាំងនឹងប្រទេសចិន និងធ្វើឱ្យប៉ះពាល់ដល់ផលប្រយោជន៍របស់ប្រទេសចិន” ។
លោក Wang បាននិយាយថា វិធានការនេះត្រូវបានធ្វើឡើង “ដើម្បីការពារអធិបតេយ្យភាព សន្តិសុខ និងផលប្រយោជន៍អភិវឌ្ឍន៍របស់ប្រទេសចិន”៕
