បរទេស៖ នេះបើយោងតាមការចេញផ្សាយររបស់សារព័ត៌មាន RT នៅថ្ងៃទី៣០ ខែមីនា ឆ្នាំ២០២២ បានអោយដឹងថា រុស្ស៊ីបានចេញមកនិយាយកាលពីថ្ងៃពុធថា យុទ្ធជនអ៊ុយក្រែនកំពុងប្រើប្រាស់សាលប្រជុំបែបសាសនាដើម្បីរក្សាទុកអាវុធ និងគ្រាប់រំសេវដោយសម្ងាត់។ ក្រុងគៀវបានចោទក្រុងមូស្គូម្តងហើយម្តងទៀតពីការវាយប្រហារលើគោលដៅជនស៊ីវិល ខណៈដែលរុស្ស៊ីនិយាយថា ខ្លួនគ្រាន់តែវាយប្រហារទីតាំងដែលប្រើដោយយោធាប៉ុណ្ណោះ។
ឧត្តមសេនីយឯក Igor Konashenkov អ្នកនាំពាក្យក្រសួងការពារជាតិបានចោទប្រកាន់ទីក្រុងគៀវពីការព្យាយាមបញ្ឆោតពិភពលោកជាមួយនឹង “ការភូតកុហក” អំពីការវាយលុករបស់រុស្ស៊ី។
គាត់បានបង្ហាញរូបភាពមួយឈុតដែលគាត់និយាយថាជាភស្តុតាងនៃ “អ្នកជាតិនិយម” ដោយប្រើសាលប្រជុំបែបសាសនាមួយនៅក្នុងទីក្រុង Uman នៅកណ្តាលអ៊ុយក្រែន “សម្រាប់គោលបំណងយោធា”៕
