បរទេស៖ នេះបើយោងតាមការចេញផ្សាយរបស់សារព័ត៌មាន RT នៅថ្ងៃទី៣០ ខែមីនា ឆ្នាំ២០២២ បានអោយដឹងថាបញ្ហាសង្គ្រាមនៅអ៊ុយក្រែនបានធ្វើអោយប៉ះពាល់ដល់ការផ្គត់ផ្គង់គ្រាប់ធុនជាតិពីប្រទេសរុស្ស៊ី និងអ៊ុយក្រែន ដែលក្នុងនោះមានចំនួន ៣០% នៃការនាំចេញស្រូវសាលីរបស់ពិភពលោក និង ២០% នៃការនាំចេញពោត បាន ហើយក៏កំពុងជំរុញឱ្យតម្លៃអាហារនៅលើពិភពលោកកើនឡើងផងដែរ។ នេះបើយោងតាមប្រធានគណបក្សប្រឆាំង Civic Platform ដែលជាអតីតនាយករដ្ឋមន្ត្រី Donald Tusk បានបញ្ជាក់ថានៅក្នុងប្រទេសប៉ូឡូញ តម្លៃនំប៉័ងអាចកើនឡើងបួនដងនៅចុងឆ្នាំនេះ ។
ថ្លែងនៅស្ថានីយ៍វិទ្យុ Polsat News កាលពីថ្ងៃពុធ លោកបានលើកឡើងពីការព្រួយបារម្ភថា តម្លៃនំបុ័ងថោកបំផុតនៅក្នុងប្រទេសអាចនឹងមានតម្លៃ ១០ zlotys (ប្រហែល $២.៤០) នៅចុងឆ្នាំនេះ។
បច្ចុប្បន្ននេះតម្លៃនំប៉័ងធម្មតាដែលមានទម្ងន់ ០.៥ គីឡូក្រាមនៅប្រទេសប៉ូឡូញគឺប្រហែល ២.២-២.៦ zlotys៕
