បរទេស៖ នេះបើយោងតាមការចេញផ្សាយរបស់សារព័ត៌មាន RT នៅថ្ងៃទី៣០ ខែមីនា ឆ្នាំ២០២២ បានអោយដឹងថា អ្នកនាំពាក្យវិមានក្រឹមឡាំង លោក Dmitry Peskov បាននិយាយថា ដំណើរការនៃការផ្លាស់ប្តូរការទូទាត់ជាប្រាក់”រូប” សម្រាប់ការនាំចេញឧស្ម័នរបស់រុស្ស៊ីនឹងត្រូវការពេលវេលា ហើយនឹងមិនចាប់ផ្តើមភ្លាមៗនៅក្នុងសប្តាហ៍នេះទេ បើទោះបីជាថ្ងៃផុតកំណត់នៅថ្ងៃទី៣១ ខែមីនា ដែលជាកំណត់ដោយលោកជាប្រធានាធិបតីក៏ដោយ។
លោកបានប្រាប់អ្នកយកព័ត៌មានថា “ដំណើរការនេះត្រូវចំណាយពេលវេលាក្នុងការសិក្សាទៅលើផ្នែកបច្ចេកទេស” ដោយបន្ថែមថាអ្នកនាំចូលនឹងត្រូវបានផ្តល់ឱ្យនៅពេលវេលាសម្រាប់ផ្លាស់ប្តូរ។
គួរបញ្ជាក់ថាកាលពីដើមសប្តាហ៍នេះ ប្រធានាធិបតីរុស្ស៊ី លោក វ្ល៉ាឌីមៀ ពូទីន បានបញ្ជាឱ្យរដ្ឋាភិបាលចាត់វិធានការចាំបាច់ ដើម្បីប្តូរការទូទាត់ទាំងអស់សម្រាប់ឧស្ម័នធម្មជាតិរបស់រុស្ស៊ី ពីក្រុមហ៊ុនដែលទិញ “មិនមែនជាមិត្ត” ទៅជាប្រាក់ “រូប” ចាប់ពីថ្ងៃទី៣១ ខែមីនា។
វិធានការនេះកំណត់គោលដៅរដ្ឋដែលកំពុងធ្វើសង្គ្រាមសេដ្ឋកិច្ចប្រឆាំងនឹងរុស្ស៊ី ដោយការដាក់ទណ្ឌកម្មយ៉ាងច្រើន និងការបង្កកប្រាក់បម្រុងរូបិយប័ណ្ណបរទេសរបស់ប្រទេសនេះ បន្ទាប់ពីការចាប់ផ្តើមប្រតិបត្តិការយោធានៅអ៊ុយក្រែន៕
