បរទេស៖ នេះបើយោងតាមការចេញផ្សាយរបស់សារព័ត៌មាន RT នៅថ្ងៃទិ៣០ ខែមីនា ឆ្នាំ២០២២ បានអោយដឹងថាក្រុមហ៊ុនបច្ចេកវិទ្យាយក្សរបស់កូរ៉េខាងត្បូង Samsung បានសម្រេចចិត្តដកអក្សរ ‘Z’ ចេញពីស្លាកយីហោស្មាតហ្វូនដែលអាចបត់បានរបស់ខ្លួននៅក្នុងប្រទេសឡាតវី លីទុយអានី និងអេស្តូនីហើយ។ ក្នុងនោះ Galaxy Z Fold 3 និង Galaxy Z Flip 3 ឥឡូវនេះត្រូវបានប្តូរឈ្មោះជា Galaxy Fold 3 និង Galaxy Flip 3 ដែលបានបង្ហោះនៅលើគេហទំព័រផ្លូវការរបស់ក្រុមហ៊ុននៅក្នុងប្រទេសតំបន់បាល់ទិក។
ក្រុមហ៊ុន Samsung មិនបានធ្វើអត្ថាធិប្បាយលើការផ្លាស់ប្តូរនេះទេ ប៉ុន្តែប្រព័ន្ធផ្សព្វផ្សាយមួយចំនួនបានណែនាំថា ការផ្លាស់ប្តូរនេះគឺចង់បង្ហាញពីសាមគ្គីភាពជាមួយទីក្រុង Kiev ចាប់តាំងពីអក្សរ ‘Z’ ត្រូវបានអ្នកខ្លះយល់ថាជានិមិត្តសញ្ញានៃការគាំទ្រសម្រាប់ការវាយលុកយោធារបស់រុស្ស៊ីនៅអ៊ុយក្រែន៕
