បរទេស៖ នេះបើយោងតាមការចេញផ្សាយរបស់សារព័ត៌មាន RT នៅថ្ងៃទី២៩ ខែមីនា ឆ្នាំ២០២២ បានអោយដឹងថា ប្រទេសចំនួន ៤បាននាំគ្នាបណ្តេញអ្កនការទូតរុស្ស៊ីជាច្រើននាក់ចេញពីប្រទេសរបស់ខ្លួន។
ក្នុងនោះរដ្ឋាភិបាលនៃប្រទេសអៀរឡង់ សម្រេចបណ្តេញអ្នកការទូតរុស្ស៊ីចំនួន០៤នាក់។ ប្រទេសហូឡង់ សម្រេចបណ្តេញអ្នកការទូតរុស្ស៊ីចំនួន ១៧នាក់ ដែលត្រូវបានចោទប្រកាន់ពីបទចារកម្ម។ បែលហ្ស៊ិក សម្រេចបណ្តេញអ្នកការទូតរុស្ស៊ីចំនួន ២១នាក់ចេញពីប្រទេសរបស់ខ្លួន។ ដោយឡែកសាធារណៈរដ្ឋឆេកក៏បានបណ្តេញអ្នការទូតរុស្ស៊ីម្នាក់ចេញពីប្រទេសផងដែរ៕
