បរទេស៖ នេះបើយោងតាមការចេញផ្សាយរបស់សារព័ត៌មាន RT នៅថ្ងៃទី២៨ ខែមីនា ឆ្នាំ២០២២បានអោយដឹងថា លោក Suhail al-Mazrouei រដ្ឋមន្ត្រីក្រសួងថាមពលរបស់ប្រទេសអារ៉ាប់រួម (UAE) បាននិយាយកាលពីថ្ងៃចន្ទថា ទីផ្សារថាមពលរបស់ពិភពលោកត្រូវការប្រេងពីរុស្ស៊ី ហើយគ្មានអ្នកផលិតណាអាចជំនួសវាបាននោះទេ។
លោក Suhail al-Mazrouei បានពន្យល់ក្នុងអំឡុងវេទិកាថាមពលនៅទីក្រុងឌូបៃ ថា ប្រទេសរុស្ស៊ីផលិតប្រេងប្រហែល ១០លានបារ៉ែលក្នុងមួយថ្ងៃ ដែលធ្វើឱ្យវាក្លាយជាសមាជិកដ៏សំខាន់នៃសម្ព័ន្ធភាពថាមពល OPEC+ ។
លោកបានទទូចថា “ទុកនយោបាយនៅមួយឡែក ហើយយើងត្រូវការបរិមាណប្រេងនោះនៅថ្ងៃនេះ”។ ដោយបន្ថែមថា លុះត្រាតែមាននរណាម្នាក់អាចផ្តល់នៅចំនួនប្រេងនោះបាន ប៉ុន្តែយើងមើលមិនឃើញថាមាននរណាម្នាក់អាចជំនួសរុស្ស៊ីបានឡើយ៕
