បរទេស៖ នេះបើយោងតាមការចេញផ្សាយរបស់សារព័ត៌មាន RT នៅថ្ងៃទី២៦ ខែមីនា ឆ្នាំ២០២២ បានអោយដឹងថាប្រធានាធិបតីអាមេរិកលោក Joe Biden បានអំពាវនាវឲ្យមានការទម្លាក់ពីតំណែងប្រធានាធិបតីរុស្ស៊ី វ្ល៉ាឌីមៀ ពូទីន ។ លោកបានធ្វើការអំពាវនាវដោយផ្ទាល់ទៅកាន់ប្រជាជនរុស្ស៊ីក្នុងអំឡុងពេលសុន្ទរកថានៅទីក្រុង Warsaw ជាកន្លែងដែលគាត់បានជួបពិភាក្សាជាមួយមន្ត្រីជាន់ខ្ពស់អ៊ុយក្រែនកាលពីថ្ងៃសៅរ៍។
លោក Biden បានប្រកាសនៅចុងបញ្ចប់នៃសុន្ទរកថាដ៏រំជួលចិត្តមួយនៅក្នុង Royal Castle នៃរដ្ឋធានីប៉ូឡូញថា “សម្រាប់ជាប្រយោជន៍របស់ព្រះ បុរសនេះមិនអាចរក្សាអំណាចបានទេ” ។ គួរបញ្ជាក់ថាលោក Biden ធ្លាប់បានបរិហារលោក ពូទីន ថាជា “ឧក្រិដ្ឋជនសង្គ្រាម” និងជា “ជនផ្តាច់ការ” ហើយបានចោទប្រកាន់លោកចំពោះការប្រមាថភូមិសាស្ត្រនយោបាយផ្សេងទៀត នេះជាការទាមទារដំបូងរបស់លោក ដែលទាមទារឱ្យដកប្រធានាធិបតីចេញពីតំណែង៕
"For God's sake, this man cannot remain in power," Biden says of Vladimir Putin. pic.twitter.com/9QY9QidUZS
— Greg Price (@greg_price11) March 26, 2022
