បរទេស៖ នេះបើយោងតាមការចេញផ្សាយរបស់សារព័ត៌មាន Interfax នៅថ្ងៃទី២៦ ខែមីនា ឆ្នាំ២០២២ បានអោយដឹងថា ប្រទេសរុស្ស៊ីបានចាប់ផ្តើមធ្វើសមយុទ្ធយោធាទ្រង់ទ្រាយធំមួយ នៅតំបន់ប្រជុំកោះដែលមានបញ្ហាវិវាទជាមួយជប៉ុន ដោយប្រើកម្លាំងទ័ពជាង ៣០០០នាក់។
សមយុទ្ធមួយនេះ កើតឡើងក្រោយក្រសួងការបរទេសរុស្ស៉ីប្រកាសផ្អាកកិច្ចចរចាសន្ធិសញ្ញាសន្តិភាព ដើម្បីបញ្ចប់សង្គ្រាមលោកជាផ្លូវការជាមួយជប៉ុន ដោយសារការដាក់ទណ្ឌកម្មរបស់ទីក្រុងតូក្យូប្រឆាំងនឹងទីក្រុងមូស្គូ ជុំវិញវិបត្តិសង្គ្រាម នៅអ៊ុយក្រែននៅសប្តាហ៍នេះ៕
