បរទេស៖ នេះបើយោងតាមការចេញផ្សាយរបស់សារព័ត៌មាន RT នៅថ្ងៃទី២៣ ខែមីនា ឆ្នាំ២០២២ បានអោយដឹងថាប្រទេសរុស្ស៊ីបានប្រកាសពីការបណ្តេញអ្នកការទូតអាមេរិកមួយចំនួន ដែលជាការឆ្លើយតបទៅនឹងការបញ្ជារបស់ទីក្រុងវ៉ាស៊ីនតោនក្នុងការបណ្តេញបុគ្គលិកចំនួន ១២នាក់ចេញពីបេសកកម្មរបស់ទីក្រុងម៉ូស្គូទៅកាន់អង្គការសហប្រជាជាតិ។
ក្រសួងការបរទេសរុស្ស៊ីបាននិយាយនៅក្នុងសេចក្តីថ្លែងការណ៍មួយថា កាលពីថ្ងៃពុធ ថាខ្លួនបានកោះហៅ “អ្នកការទូតជាន់ខ្ពស់នៃបេសកកម្មការទូតអាមេរិកនៅទីក្រុងមូស្គូ” ហើយបានប្រគល់ឱ្យគាត់នូវ “កំណត់ត្រាមួយដែលមានបញ្ជីឈ្មោះបុគ្គលិកការទូតអាមេរិកដែលត្រូវបាននិរទេសចេញពីប្រទេសរុស្ស៊ី។
ក្រសួងបានបង្ហើបថា វាជាការសងសឹកចំពោះការបណ្តេញអ្នកការទូតរុស្ស៊ីចេញពីបេសកកម្មអង្គការសហប្រជាជាតិនៅទីក្រុងញូវយ៉ក និងបុគ្គលិករុស្ស៊ីម្នាក់ចេញពីលេខាធិការដ្ឋានអង្គការសហប្រជាជាតិ៕
