បរទេស៖ នេះបើយោតាមការចេញផ្សាយរបស់សារព័ត៌មាន RT នៅថ្ងៃទី២២ ខែមីនា ឆ្នាំ២០២២ បានបក្សប្រឆាំងរបស់ចក្រភពអង់គ្លេសបានអំពាវនាវឱ្យអាជ្ញាធរ “ចាត់វិធានការឱ្យបានឆាប់រហ័ស” ប្រឆាំងទៅនឹងផ្ទាំងរូបភាពដែលពណ៌នាថាជនជាតិរុស្ស៊ីជាជ្រូក និងអំពាវនាវឱ្យមានការស្លាប់ពួកគេ។ បក្សប្រឆាំង ដែលចាត់ទុកសង្រ្គាមនៅអ៊ុយក្រែនថាជាការប៉ះទង្គិចគ្នានៃមហាអំណាចមូលធននិយម បាននិយាយថា ផ្ទាំងរូបភាពរំលឹកឡើងវិញនូវការបៀតបៀនជនជាតិយូដាក្នុងសម័យណាស៊ី។
គួរបញ្ជាក់ថាផ្ទាំងរូបភាពមានរូបជ្រូកពណ៌ទង់ជាតិរុស្សី រួមជាមួយនឹងអក្សរថា “Good Russian = Dead Russian”។ យោងតាមសារព័ត៌មានរុស្ស៊ី Readovka ដែលនៅទីក្រុងឡុងដ៍ បានបញ្ជាក់ថាយើងអាចមើលឃើញនៅផ្ទាំងរូបនេះនៅតាមកន្លែងដឹកជញ្ជូនសាធារណៈរបស់ទីក្រុងឡុងដ៍៕
