បរទេស៖ នេះបើយោងតាមការចេញផ្សាយរបស់សារព័ត៌មាន RT នៅថ្ងៃទី១៩ ខែមីនា ឆ្នាំ២០២២ បានអោយដឹងថាអនុអធិការបតីអាល្លឺម៉ង់បាននិយាយថា ការផ្គត់ផ្គង់ឧស្ម័នសម្រាប់រដូវរងាខាងមុខដល់ប្រទេសរបស់លោកមិនទាន់ត្រូវបានធានានៅឡើយទេ។ លោក Robert Habeck ដែលបម្រើការជារដ្ឋមន្ត្រីសេដ្ឋកិច្ច និងអាកាសធាតុផងដែរនោះ មិនបានច្រានចោលអ្វីដែលហៅថាឥទ្ធិពលដូមីណូនោះទេ ជាមួយនឹងការធ្លាក់ចុះនៅក្នុងខ្សែសង្វាក់ផ្គត់ផ្គង់ឧស្ម័នដែលបណ្តាលឱ្យមានការខ្វះខាត។
លោក Robert Habeck អនុអធិការបតីអាល្លឺម៉ង់បាននិយាយនៅក្នុងបទសម្ភាសន៍មួយជាមួយ ស្ថានីយ៍វិទ្យុអាល្លឺម៉ង់ Deutschlandfunk ថា “ប្រសិនបើយើងមិនទទួលបានការផ្គត់ផ្គង់ឧស្ម័នបន្ថែមទៀតទេ … ហើយការដឹកជញ្ជូនពីប្រទេសរុស្ស៊ីត្រូវបានបិទ ឬបញ្ឈប់នោះ យើងនឹងមិនមានឧស្ម័នគ្រប់គ្រាន់ក្នុងការធ្វើឱ្យផ្ទះទាំងអស់របស់យើងមានភាពកក់ក្តៅ និងដើម្បីរក្សាឧស្សាហកម្មរបស់យើងទាំងអស់ឱ្យដំណើរការនោះទេ”៕
