បរទេស៖ នេះបើយោងតាមការចេញផ្សាយរបស់សារព័ត៌មាន RT នៅថ្ងៃទី២០ ខែមីនា ឆ្នាំ២០២២ បានអោយដឹងថានាយករដ្ឋមន្ត្រីឥណ្ឌា Narendra Modi បានជួបជាមួយភាគីជប៉ុនលោក Fumio Kishida នៅទីក្រុង New Delhi កាលពីថ្ងៃសៅរ៍ បានពិភាក្សាគ្នាអំពីកិច្ចការទ្វេភាគី និងសន្តិសុខអន្តរជាតិ ខណៈដែលឥណ្ឌាបន្តទប់ទល់នឹងសម្ពាធដើម្បីថ្កោលទោសយ៉ាងបើកចំហចំពោះរុស្ស៊ីចំពោះសកម្មភាពយោធារបស់ខ្លួននៅអ៊ុយក្រែន។
លោក Kishida បាននិយាយនៅក្នុងសន្និសីទសារព័ត៌មានរួមគ្នាជាមួយលោក Modi ថា “យើងបានផ្លាស់ប្តូរទស្សនៈគ្នាជាក្រុមតូចមួយនៅថ្ងៃនេះក្នុងលក្ខណៈស៊ីជម្រៅអំពីស្ថានភាពនៅអ៊ុយក្រែន។ ការឈ្លានពានរបស់រុស្ស៊ីលើអ៊ុយក្រែន គឺជាឧប្បត្តិហេតុដ៏ធ្ងន់ធ្ងរដែលធ្វើអោយប៉ពាល់ដល់សណ្តាប់ធ្នាប់អន្តរជាតិ”៕
