បរទេស៖ នេះបើយោងតាមការចេញផ្សាយរបស់សារព័ត៌មាន RT នៅថ្ងៃទី១៩ ខែមីនា ឆ្នាំ២០២២នេះ បានអោយដឹងថា សហរដ្ឋអាមេរិកអាចនឹងដករុស្ស៊ីចេញពីប្រព័ន្ធរុករកផ្កាយរណប GPS ដែលជាផ្នែកនៃទណ្ឌកម្មជុំវិញជម្លោះអ៊ុយក្រែន។
នេះបើយោងតាមការបញ្ជាក់របស់លោក Dmitry Rogozin ប្រធានទីភ្នាក់ងារអវកាស Roscosmos បានប្រាប់អ្នកកាសែតកាលពីថ្ងៃសៅរ៍ថា “តើអ្នកដឹងទេថា ឥឡូវនេះ នៅក្នុងក្របខ័ណ្ឌនៃទណ្ឌកម្ម សហរដ្ឋអាមេរិកកំពុងពិចារណាពីលទ្ធភាពនៃការផ្តាច់ទំនាក់ទំនងរុស្ស៊ីពី GPS? តើអ្នកដឹងអំពីរឿងនេះទេ? អ្នកមិនដឹង ប៉ុន្តែខ្ញុំអាចប្រាប់អ្នកថាជម្រើសបែបនេះកំពុងត្រូវបានគេពិចារណា”៕
