បរទេស៖ នេះបើយោងតាមការចេញផ្សាយរបស់សារព័ត៌មាន RT នៅថ្ងៃទី១៩ ខែមីនា ឆ្នាំ២០២២នេះ បានអោយដឹងថាសមាជិកនាវិកទាំងបួននាក់នៅលើយន្តហោះ MV-22B Osprey ដែលជាកម្មសិទ្ធិរបស់កងម៉ារីនអាមេរិក បានធ្លាក់នៅប្រទេសន័រវេសកាលពីថ្ងៃសុក្របានស្លាប់នៅក្នុងឧបទ្ទវហេតុនេះ។ ប៉ូលីសក្នុងតំបន់បានរាយការណ៍កាលពីថ្ងៃសៅរ៍ថា យន្តហោះដែលជាប្រភេទកូនកាត់រវាងឧទ្ធម្ភាគចក្រធម្មតា និងយន្តហោះធុន turboprop បានចូលរួមក្នុងសមយុទ្ធយោធារបស់អង្គការណាតូនៅក្នុងប្រទេសន័រវេស។
យោងតាមសេចក្តីថ្លែងការណ៍ដែលចេញផ្សាយដោយយោធាន័រវេសថា យន្តហោះ V-22 Osprey កំពុងធ្វើការហោះហើរហ្វឹកហាត់ ហើយត្រូវបានគេសន្មត់ថានឹងមកដល់មូលដ្ឋានអាកាស Bodo នៅម៉ោង ៦ល្ងាច (ម៉ោងក្នុងស្រុក) នៅថ្ងៃសុក្រ ប៉ុន្តែយន្តហោះនោះបានបាត់ខ្លួន៕
