បរទេស៖ នេះបើយោងតាមការចេញផ្សាយរបស់សារព័ត៌មាន RT នៅថ្ងៃទី១៩ ខែមីនា ឆ្នាំ២០២២នេះ បានអោយដឹងថាឯកអគ្គរដ្ឋទូតរបស់ទីក្រុងមូស្គូបាននិយាយថា ក្រុមហ៊ុនឱសថឥណ្ឌាអាចស្វែងរកឱកាសអាជីវកម្មថ្មីនៅក្នុងប្រទេសរុស្ស៊ីក្នុងពេលឆាប់ៗនេះ ខណៈដែលសាជីវកម្មអឺរ៉ុប និងសហរដ្ឋអាមេរិកមួយចំនួនបានផ្អាកប្រតិបត្តិការរបស់ខ្លួនក្នុងប្រទេសរុស្ស៊ី ជុំវិញប្រតិបត្តិការយោធានៅក្នុងប្រទេសអ៊ុយក្រែន។
ថ្លែងទៅកាន់ប៉ុស្តិ៍ Rossiya 24 កាលពីថ្ងៃសុក្រ ឯកអគ្គរដ្ឋទូត Denis Alipov បានអះអាងថា ប្រទេសឥណ្ឌាគឺជាប្រទេសផលិតឱសថឈានមុខគេដែលដូចគ្នាទៅនឹងម៉ាកល្បីៗ ដោយហៅប្រទេសនេះថាជា “ឱសថស្ថានពិភពលោក”៕
