បរទេស៖ នេះបើយោងតាមការចេញផ្សាយរបស់សារព័ត៌មាន RT នៅថ្ងៃទី១៧ ខែមីនា ឆ្នាំ២០២២ បានអោយដឹងថាជំនួយការរបស់លោកប្រធានាធិបតីអ៊ុយក្រែន Volodymyr Zelensky គឺលោក Mikhail Podolyak បាននិយាយកាលពីថ្ងៃព្រហស្បតិ៍ថា លោកប្រធានាធិបតីអ៊ុយក្រែន Volodymyr Zelensky អាចជួបជាមួយប្រធានាធិបតីរុស្ស៊ី លោក Vladimir Putin “នៅក្នុងសប្តាហ៍ខាងមុខនេះ” ។ លោកបាននិយាយថា ទោះបីជាយ៉ាងណាក៏ដោយ កិច្ចប្រជុំអាចកើតឡើងបានលុះត្រាតែ “សន្ធិសញ្ញាសន្តិភាព” រវាងទីក្រុងគៀវ និងទីក្រុងម៉ូស្គូ ត្រូវបានចុះហត្ថលេខា។
លោក Mikhail Podolyak បានប្រាប់ Wirtualna Polska នៅក្នុងបទសម្ភាសន៍មួយថា “ដរាបណាការងារលើកិច្ចព្រមព្រៀងត្រូវបានបញ្ចប់ យើងនឹងចាប់ផ្តើមរៀបចំកិច្ចប្រជុំ។ វានឹងកើតឡើងនៅប៉ុន្មានសប្តាហ៍ខាងមុខនេះ។ ទោះយ៉ាងណាក៏ដោយទីតាំងមិនសំខាន់សម្រាប់យើងទេ។ វាអាចនៅគ្រប់ទីកន្លែង លើកលែងតែប្រទេសរុស្ស៊ី”៕
