បរទេស៖ នេះបើយោងតាមការចេញផ្សាយរបស់សារព័ត៌មាន RT នៅថ្ងៃទី១៨ ខែមីនា ឆ្នាំ២០២២នេះ បានអោយដឹងថាប្រទេសនូវែលសេឡង់បានចូលរួមជាមួយបណ្តាប្រទេសផ្សេងៗទៀតដើម្បីធ្វើការដាក់ទណ្ឌកម្មលើប្រទេសរុស្ស៊ីជុំវិញការវាយប្រហាររបស់ខ្លួនលើអ៊ុយក្រែន។
ក្នុងនោះអគ្គទេសាភិបាល Cindy Kiro បានចុះហត្ថលេខាទៅលើឯកសារការដាក់ទណ្ឌកម្មកាលពីថ្ងៃសុក្រ។ លោក ពូទីន និងអ្នកគាំទ្រសំខាន់ៗជាច្រើននាក់របស់គាត់ ឥឡូវនេះត្រូវបានហាមឃាត់មិនឱ្យធ្វើដំណើរទៅកាន់ប្រទេសនូវែលសេឡង់ ឬមានទ្រព្យសម្បត្តិនៅក្នុងប្រទេស។ ពួកគេក៏ត្រូវបានហាមឃាត់មិនឱ្យមានកប៉ាល់ ឬយន្តហោះចូលចត ឬចុះចតនៅប្រទេសនូវែលសេឡង់ផងដែរ៕
