បរទេស៖ នេះបើយោងតាមការចេញផ្សាយរបស់សារព័ត៌មាន RT នៅថ្ងៃទី១៦ ខែមីនា ឆ្នាំ២០២២ បានអោយដឹងថា ប្រធានាធិបតីរុស្ស៊ី លោក វ្ល៉ាឌីមៀ ពូទីន បាននិយាយកាលពីថ្ងៃពុធថា ប្រទេសរុស្ស៊ីមិនមានផែនការធ្វើជាតូបនីយកម្មទ្រព្យសម្បត្តិបរទេសជាការឆ្លើយតបទៅនឹងការរឹបអូសយកទ្រព្យសម្បត្តិរបស់រុស្ស៊ីនៅបរទេសនោះទេ។
លោកបានបន្ថែមថា “មិនដូចប្រទេសលោកខាងលិចទេ យើងនឹងគោរពទ្រព្យកម្មសិទ្ធិរបស់អ្នកវិនិយោគ”។
លោក ពូទីន បន្តថា ការបង្កកទ្រព្យសម្បត្តិ និងអាជីវកម្មរុស្ស៊ី នៅបរទេស គឺជាមេរៀនសម្រាប់សហគ្រិនរបស់យើង។
លោកប្រធានាធិបតីបាននិយាយថា “គ្មានអ្វីគួរឱ្យទុកចិត្តជាងការវិនិយោគនៅផ្ទះខ្លួនឯងនោះទេ”៕
