បរទេស៖ នេះបើយោងតាមការចេញផ្សាយរបស់សារព័ត៌មាន RT នៅថ្ងៃទី១៦ ខែមីនា ឆ្នាំ២០២២ បានអោយដឹងថា រដ្ឋបាលលោក Joe Biden កំពុងពិចារណាទៅលើការបញ្ជូនយន្តហោះគ្មានមនុស្សបើក ‘Switchblade’ ទៅកាន់ប្រទេសអ៊ុយក្រែនឬយ៉ាងណា។ យន្តហោះគ្មានមនុស្សបើកនេះ គឺគ្រាន់តែជាប្រព័ន្ធសព្វាវុធមួយដែលក្រុងកៀវបានដាក់ស្នើរសុំពីអាមេរិកប៉ុណ្ណោះ។
យន្តហោះគ្មានមនុស្សបើកដែលផលិតដោយ Virginia defense មានពីរប្រភេទ៖ ដោយមួយអាចកំណត់គោលដៅជាមនុស្ស ចំណែកមួយប្រភេទកំណត់គោលដៃជាយាន្តយន្ត។ក្នុងនោះក៏មានបំពាក់ដោយកាមេរ៉ា ប្រព័ន្ធណែនាំ និងគ្រឿងផ្ទុះ។ យន្តហោះដែលអាចបញ្ជាអោយផ្ទុះនេះអាចហោះបានចម្ងាយ ៥០ ម៉ាយ ដើម្បីវាយប្រហារគោលដៅ ឬអាចហោះសំកាំងពីលើសមរភូមិ មុនពេលទម្លាក់គ្រាប់បែកលើសត្រូវនៅខាងក្រោម៕
