បរទេស៖ នេះបើយោងតាមការចេញផ្សាយរបស់សារព័ត៌មាន RT នៅថ្ងៃទី១៦ ខែមីនា ឆ្នាំ២០២២នេះ បានអោយដឹងថា ទីក្រុងវ៉ាស៊ីនតោនបានជំរុញប្រទេសឥណ្ឌាគិតឡើងវិញចំពោះផែនការទិញប្រេងឆៅពីរុស្ស៊ី នៅក្នុងតម្លៃពិសេស ដោយនិយាយថាផែនការនេះនឹងផ្តល់ការគាំទ្រដល់ ទីក្រុងម៉ូស្គូ ចំពេលមានការវាយលុកផ្នែកយោធានៅក្នុងប្រទេសអ៊ុយក្រែន។
លេខាធិការសារព័ត៌មានសេតវិមានលោក Jen Psaki បាននិយាយថា ប្រជាជាតិនានាគួរតែពិចារណាពីតួនាទីរបស់ពួកគេក្នុងប្រវត្តិសាស្ត្រនៅពេលដោះស្រាយជាមួយទីក្រុងម៉ូស្គូក្នុងអំឡុងពេលវាយប្រហារលើអ៊ុយក្រែន៕
