បរទេស៖ នេះបើយោងតាមការចេញផ្សាយរបស់សារព័ត៌មាន RT នៅថ្ងៃទី១៥ ខែមីនា ឆ្នាំ២០២២ បានអោយដឹងថា អ្នកប្រើប្រាស់ប្រេងធំទី៣ នៅលើពិភពលោក គឺប្រទេសឥណ្ឌាកំពុងពិចារណាក្នុងការទិញប្រេងឆៅ និងទំនិញផ្សេងៗទៀតក្នុងតម្លៃពិសេសដោយប្រើប្រាស់រូបិយប័ណ្ណក្នុងស្រុក ពីប្រទេសរុស្ស៊ី។
ក្នុងនោះមន្ត្រីរីរដ្ឋាភិបាលឥណ្ឌាម្នាក់បានប្រាប់សារព័ត៌មាន Reuters ថា រុស្ស៊ីកំពុងលក់ប្រេង និងទំនិញផ្សេងទៀតក្នុងតម្លៃយ៉ាងពិសេស។ យើងនឹងរីករាយក្នុងការទទួលយកវា។ យើងមានបញ្ហាមួយចំនួនដូចជាការធានារ៉ាប់រងលើនាវាដឹកប្រេង និងការលាយប្រេងដែលត្រូវដោះស្រាយ។ នៅពេលដែលយើងដោះស្រាយរួច យើងនឹងទទួលយកការផ្តល់ជូនបញ្ចុះតម្លៃ៕
