បរទេស៖ នៅថ្ងៃទី១៥ ខែមីនា ឆ្នាំ២០២២ សារព័ត៌មាន RT បានចេញផ្សាយថាក្រសួងឧស្សាហកម្ម និងពាណិជ្ជកម្មរុស្ស៊ីបានស្នើកាលពីថ្ងៃចន្ទ ដើម្បីកំណត់នៅតម្លៃក្នុងស្រុកអតិបរមា ដែលអាចកើតមានសម្រាប់ផលិតផលដែក និងវត្ថុធាតុដើមផ្សេងទៀត ដើម្បីកាត់វាចេញពីការគិតជាប្រាក់ដុល្លារអាមេរិក។ វិធានការនេះត្រូវបានគេរំពឹងថា អាចនឹងជួយគាំទ្រដល់វិស័យឧស្សាហកម្មនេះបាន។
ក្នុងនោះក្រសួងឧស្សាហកម្ម និងពាណិជ្ជកម្មរុស្ស៊ីបានពន្យល់ថានៅពេលនេះ មានការផ្លាស់ប្តូរនៅតម្រូវការសកលសម្រាប់ថាមពល វត្ថុធាតុដើម និងលោហធាតុ ដែលជារឿយៗបានធ្វើអោយតម្លៃមានការកើនឡើង។ ដូច្នេះហើយ តម្លៃវត្ថុធាតុដើមដូចជារ៉ែដែក និងធ្យូងថ្មនៅតែខ្ពស់ដដែរ ហើយតម្លៃដែកអេតចាយក៏កើនឡើងដែរ។ ផលិតផលអាលុយមីញ៉ូម និងទង់ដែងត្រូវបានរងផងប៉ះពាល់ដោយសារតែការផ្លាស់ប្តូររូបិយប័ណ្ណ។
ក្រសួងបាននិយាយថា ក្រោមលក្ខខណ្ឌបែបនេះ វាចាំបាច់ក្នុងការធានានូវដំណើរការដែលមិនមានការរំខាននៃឧស្សាហកម្មដោយ “ការកាត់នៅតម្លៃ” សម្រាប់ផលិតផលលោហធាតុ និងវត្ថុធាតុដើមពីអត្រាប្តូរប្រាក់ដុល្លារ។
ក្រសួងពាណិជ្ជកម្មបានកត់សម្គាល់ថា នេះនឹងជួយទប់ស្កាត់ការកើនឡើងនៃតម្លៃធនធាន ក៏ដូចជាផលិតផលចុងក្រោយនៅក្នុងទីផ្សារក្នុងស្រុក។ លើសពីនេះ វិធានការនេះនឹងជួយរក្សាល្បឿននៃការអនុវត្តគម្រោងវិនិយោគ និងការសាងសង់ផ្សេង៕
