បរទេស៖ នេះបើយោងតាមការចេញផ្សាយរបស់សារព័ត៌មាន RT នៅថ្ងៃទី១២ ខែមីនា ឆ្នាំ២០២២ បានអោយដឹងថាមហាសេដ្ឋីលំដាប់ទីពីររបស់រុស្ស៊ី លោក វ្ល៉ាឌីមៀ ប៉ូតានីន បាននិយាយប្រឆាំងនឹងគំនិតនៃការរឹបអូសទ្រព្យសម្បត្តិរបស់សាជីវកម្មយក្សបរទេស ដែលបានសម្រេចចិត្តចាកចេញពីប្រទេស។ លោកបាននិយាយថា សកម្មភាពបែបនេះអាចនាំប្រទេសជាតិត្រឡប់ទៅថ្ងៃសោកនាដកម្មនៃបដិវត្ត Bolshevik ឆ្នាំ១៩១៧។
មហាសេដ្ឋីលំដាប់ទីពីររបស់រុស្ស៊ី លោក វ្ល៉ាឌីមៀ ប៉ូតានីន ជាប្រធាន និងជាម្ចាស់ភាគហ៊ុនធំជាងគេរបស់ Norilsk Nickel ដែលជាអ្នកផលិត palladium និង nickel ថ្នាក់ខ្ពស់លំដាប់លេខមួយរបស់ពិភពលោក បានជំរុញឱ្យអាជ្ញាធររុស្ស៊ីឆ្លើយតបដោយការអនុវត្តជាក់ស្តែងចំពោះភាពឯកោរបស់ខ្លួនពីសេដ្ឋកិច្ចពិភពលោក៕
