បរទេស៖ នេះបើយោងតាមការចេញផ្សាយរបស់សារព័ត៌មាន RT នៅថ្ងៃទី១១ ខែមីនា ឆ្នាំ២០២២កន្លងមក បានអោយដឹងថា YouTube ដែលជាកម្មសិទ្ធិរបស់ក្រុមហ៊ុនមេរបស់ Google ឈ្មោះ Alphabet បានប្រកាសកាលពីថ្ងៃសុក្រថា ខ្លួននឹងបិទការចូលទៅកាន់បណ្តាញ “ប្រព័ន្ធផ្សព្វផ្សាយរដ្ឋរបស់រុស្ស៊ី” នៅទូទាំងពិភពលោក និងរារាំងការរកប្រាក់ទាំងអស់នៅលើវេទិការបស់ខ្លួននៅក្នុងប្រទេសរុស្ស៊ី។
YouTube បានបញ្ជាក់ថាវេទិកាចែករំលែកវីដេអូចង់ដកចេញនូវខ្លឹមសារ “បដិសេធ កាត់បន្ថយ ឬធ្វើឱ្យតិចតូចនូវព្រឹត្តិការណ៍ហិង្សាដែលមានឯកសារត្រឹមត្រូវ” ដែលវាផ្ទុយនឹងគោលការណ៍ណែនាំរបស់ស្ថាប័នខ្លួន។
ការលើកឡើងនេះ គឺសំដៅទៅលើខ្លឹមសារ “អំពីការលុកលុយរបស់រុស្ស៊ីនៅអ៊ុយក្រែនដែលបំពានគោលការណ៍របស់ខ្លួន”៕
