បរទេស៖ នេះបើយោងតាមការចេញផ្សាយរបស់សារព័ត៌មាន RT នៅថ្ងៃទី១២ ខែមីនា ឆ្នាំ២០២២នេះ បានអោយដឹងថា អាមេរិកមិនមានផែនការតាមដានប្រជាជនរបស់ខ្លួន ដែលស្ម័គ្រចិត្តទៅជួយអ៊ុយក្រែន ដើម្បីធ្វើការប្រយុទ្ធនឹងរុស្ស៊ីនោះទេ។ គ្រាន់តែព្រមានអំពីហេតុការណ៍ដែលអាចកើតឡើងនៅពេលនោះ ដែលមានដូចជា “ការចាប់ខ្លួន ឬបាត់បង់ជីវិត”។
លោក Ned Price អ្នកនាំពាក្យក្រសួងការបរទេសអាមេរិក ដែលបានឆ្លើយតបនឹងសំណួររបស់ក្រុមអ្នកយកព័ត៌មាននៅថ្ងៃសុក្រសប្តាហ៏នេះ បានបញ្ជាក់ថាពលរដ្ឋអាមេរិកដែលធ្វើដំណើរទៅក្រៅប្រទេស មិនតម្រូវឲ្យចុះឈ្មោះនៅក្រសួងការបរទេស តាមមធ្យោបាយណាមួយនោះទេ ដូច្នេះពួកគេក៏មិនស្ថិតនៅក្រោមការតាមដានដែរ៕
