បរទេស៖ នេះបើយោងតាមការចេញផ្សាយរបស់សារព័ត៌មាន RT នៅថ្ងៃទី១១ ខែមីនា ឆ្នាំ២០២២នេះ បានអោយដឹងថារដ្ឋមន្ត្រីការពារជាតិរុស្ស៊ីលោក Sergey Shoigu បាននិយាយកាលពីថ្ងៃសុក្រថា ប្រទេសរុស្ស៊ីគួរតែបំពាក់អាវុធដល់សម្ព័ន្ធមិត្តរបស់ខ្លួននៅក្នុងសាធារណរដ្ឋដែលបំបែកចេញពី Donetsk និង Lugansk ជាមួយនឹងអាវុធដែលចាប់បានពីកងកម្លាំងប្រដាប់អាវុធអ៊ុយក្រែន។
រដ្ឋមន្ត្រីការពារជាតិរុស្ស៊ីលោក Sergey Shoigu បានបន្ថែមថា យើងបានប្រមូលអាវុធពីអ៊ុយក្រែនជាច្រើន រួមទាំងរថក្រោះ រថពាសដែក អាវុធធុនតូចគ្រប់ប្រភេទក្នុងបរិមាណច្រើន [និង] កាំភ្លើងធំ។ យើងក៏មាន Javelin និង Stinger ជាច្រើនផងដែរ៕
