បរទេស៖ នេះបើយោងតាមការចេញផ្សាយរបស់សារព័ត៌មាន RT នៅថ្ងៃទី១១ ខែមីនា ឆ្នាំ២០២២នេះ បានអោយដឹងថាក្រុម Hacker អាមេរិកបានធ្វើការគ្រប់គ្រងកុំព្យូទ័រនៅក្នុងប្រទេសចិន ដោយប្រើប្រាស់ពួកវាដើម្បីធ្វើការវាយលុកតាមអ៊ីនធឺណិតប្រឆាំងនឹងគោលដៅនៅក្នុងប្រទេសរុស្ស៊ី និងបេឡារុស្ស។
ក្នងនោះទីភ្នាក់ងារព័ត៌មានស៊ីនហួររបស់ចិន បានអះអាងថា អាជ្ញាធរអ៊ីនធឺណិតរបស់ប្រទេសចិនបានចាប់ផ្តើមរកឃើញសកម្មភាពវាយប្រហារបែបនេះនៅចុងខែកុម្ភៈ។ យោងតាមរបាយការណ៍ អ៊ីនធឺណេតរបស់ប្រទេសនេះស្ថិតនៅក្រោមការវាយប្រហារ “ឥតឈប់ឈរ” ពីបរទេសចាប់តាំងពីពេលនោះមក។
ទីភ្នាក់ងារព័ត៌មានដោយដកស្រង់សម្តីមន្ត្រីដដែរ បានបង្ហាញថាការវាយប្រហារតាមអ៊ីនធឺណិតភាគច្រើនត្រូវបានរកឃើញថាមានទីតាំងនៅសហរដ្ឋអាមេរិក ដោយមានអាសយដ្ឋាន IP ដល់ទៅចំនួន 10 នៅក្នុងរដ្ឋញូវយ៉កតែម្នាក់ឯង៕
