បរទេស៖ នេះបើយោងតាមការចេញផ្សាយរបស់សារព័ត៌មាន Bloomberg នៅថ្ងៃទី៨ ខែមីនា ឆ្នាំ២០២២កន្លងមកនេះបានអោយដឹងថា ក្រុមហ៊ុន McDonald’s Corp. បានសម្រចចិត្តបិទបណ្តោះអាសន្ននៅហាងរបស់ខ្លួនចំនួន ៨៥០កន្លែងក្នុងប្រទេសរុស្ស៊ី ក្រោយក្រុមហ៊ុនទទួលរងការរិះគន់ថាមិនបានព្រមចូលរួមសកម្មភាពប្រឆាំងនឹងការប្រើប្រាស់កម្លាំងទ័ពលើអ៊ុយក្រែន។
ក្នុងនោះអ្នកនាយកប្រតិបត្តិក្រុមហ៊ុននេះ លោក Chris Kempczinski បានបញ្ជាក់ថា ក្រុមហ៊ុនបានសម្រេចចិត្តបិទបណ្តោះអាសន្ននៅហាងចំនួន ៨៥០ទីតាំងក្នុងប្រទេសរុស្ស៊ី ដែលក្នុងនោះបុគ្គលិក ៦២០០០នាក់ នៅតែទទួលបានប្រាក់ឈ្នួលពីក្រុមហ៊ុនដដែរ។ ខណៈនៅប្រទេសអ៊ុយក្រែនវិញ ត្រូវបានបិទហាង ១០០កន្លែង ដោយបុគ្គលិកទទួលបានប្រាក់ឈ្នួលធម្មតា៕
