បរទេស៖ នេះបើយោងតាមការចេញផ្សាយរបស់សារព័ត៌មាន RT នៅថ្ងៃទី៨ ខែមីនា ឆ្នាំ២០២២នេះ បានអោយដឹងថាក្រុមហ៊ុន Procter & Gamble (P&G) បានប្រកាសថា ខ្លួននឹងកាត់បន្ថយចំនួនផលិតផលដែលបានលក់នៅក្នុងប្រទេសរុស្ស៊ី និងបញ្ឈប់ការវិនិយោគថ្មីទាំងអស់នៅក្នុងប្រទេសមួយនេះ ប៉ុន្តែមិនដកខ្លួនចេញពីទីផ្សាររុស្ស៊ីទាំងស្រុងនោះទេ។
នៅក្នុងលិខិតផ្ញើទៅកាន់បុគ្គលិកកាលពីថ្ងៃច័ន្ទ លោកនាយកប្រតិបត្តិ Jon Moeller បាននិយាយថា P&G នឹង “បន្តគាំទ្រ” ប្រជាជនរុស្ស៊ី និងបុគ្គលិករបស់ខ្លួននៅក្នុងប្រទេស ប៉ុន្តែថាជម្លោះរបស់រុស្ស៊ីជាមួយអ៊ុយក្រែន និងការដាក់ទណ្ឌកម្មជាបន្តបន្ទាប់ប្រឆាំងនឹងរុស្ស៊ីពីសំណាក់លោកខាងលិច នឹងតម្រូវឱ្យមាន ការអនុវត្ត “ការផ្លាស់ប្តូរសំខាន់ៗភ្លាមៗ និងទាន់ពេលវេលា” ។
លោក Jon Moeller បានបន្ថែមថា “យើងបានបញ្ឈប់ការវិនិយោគនៅដើមទុនថ្មីទាំងអស់នៅក្នុងប្រទេសរុស្ស៊ី ហើយកំពុងផ្អាកគ្រប់ការផ្សាយពាណិជ្ជកម្ម និងការផ្សព្វផ្សាយ”៕
