បរទេស៖ នេះបើយោងតាមការចេញផ្សាយរបស់សារព័ត៌មាន RT នៅថ្ងៃទី៨ ខែមីនា ឆ្នាំ២០២២នេះ បានអោយដឹងថា Cryptocurrency Coinbase បានប្រកាសពីការបិទនៅគណនីរាប់ពាន់ដែលទាក់ទងនឹងជនជាតិរុស្សី។ ក្នុងនោះគេហទំព័រ Cryptocurrency Coinbase បានប្តេជ្ញាគាំទ្រទណ្ឌកម្មដែលដាក់ដោយលោកខាងលិចលើរុស្ស៊ី។
ក្នុងនោះក្រុមហ៊ុនបានប្រកាសកាលពីថ្ងៃចន្ទថា “ថ្ងៃនេះ Cryptocurrency Coinbase រារាំងអាសយដ្ឋានជាង 25,000 ទាក់ទងនឹងបុគ្គល ឬអង្គភាពរបស់រុស្ស៊ីដែលយើងជឿថាកំពុងចូលរួមក្នុងសកម្មភាពខុសច្បាប់ ដែលភាគច្រើនយើងបានកំណត់អត្តសញ្ញាណតាមរយៈការស៊ើបអង្កេតសកម្មផ្ទាល់របស់យើង”៕
