បរទេស៖ នេះបើយោងតាមការចេញផ្សាយរបស់សារព័ត៌មាន CNN នៅថ្ងៃទី៨ ខែមីនា ឆ្នាំ២០២២នេះ បានអោយដឹងថាលោកប្រធានាធិបតីអ៊ុយក្រែន Volodymyr Zelensky ព្រមានបណ្ដាប្រទេសលោកខាងលិចថារុស្ស៊ីនឹងមិន បញ្ឈប់សង្គ្រាមនៅត្រឹមអ៊ុយក្រែនឡើយ។
ក្នុងនោះលោក Volodymyr Zelensky បានបញ្ជាក់ថា “យើងមិនអាចអនុញ្ញាតឲ្យរុស្ស៊ីធ្វើសកម្មភាពទាំងនេះបានទេ, រុស្ស៊ីបានទម្លាក់គ្រាប់បែក, បាញ់ផ្លោងមីស៊ីល មកលើពួកយើង និងបញ្ជូនឧទ្ធម្ភាគចក្រ, យន្តហោះចម្បាំងជាច្រើន។ គ្រាប់មីស៊ីលបានវាយប្រហារសំណង់ស៊ីវិល រួមទាំងសាកលវិទ្យាល័យ និងគ្លីនិកកុមារ ប្រសិនបើពួកគេបាញ់ផ្លោងមីស៊ីល យើងគ្មាន ជម្រើសអ្វីក្រៅពីការបាញ់ទម្លាក់ដើម្បីការពារអាយុជីវិតប្រជាជនរបស់យើង”៕
