បរទេស៖ នេះបើយោងតាមការចេញផ្សាយរបស់សារព័ត៌មាន RT នៅថ្ងៃទី៦ ខែមីនា ឆ្នាំ២០២២នេះ បានអោយដឹងថានាយករដ្ឋមន្ត្រីអ៊ីស្រាអែលលោក Naftali Bennett បានជួបជាមួយប្រធានាធិបតីរុស្ស៊ី លោក Vladimir Putin នៅវិមានក្រឹមឡាំងកាលពីថ្ងៃសៅរ៍កន្លងទៅនេះ ដើម្បីពិភាក្សាអំពីជម្លោះយោធារវាងរុស្ស៊ីជាមួយអ៊ុយក្រែន។
ក្នុងនោះលោក Naftali Bennett ដែលជាជនជាតិជ្វីហ្វ ដែលធ្លាប់ហៅលោក ពូទីន ថាជា “មិត្តពិត” របស់ជនជាតិជ្វីហ្វ។ គាត់បានឆ្លៀតពេលឈប់សម្រាក់ ដើម្បីធ្វើដំណើរទៅទីក្រុងមូស្គូសម្រាប់កិច្ចប្រជុំនេះ ។
លោក Naftali Bennett បានចំណាយពេលរហូតដល់ទៅ ៣ ម៉ោងក្នុងការជួបលោកពូទីន។ ក្នុងអំឡុងពេលនោះ លោកនាយករដ្ឋមន្ត្រីអ៊ីស្រាអែលបានលើកឡើងអំពី “បញ្ហានៃសហគមន៍ជ្វីហ្វដ៏ធំដែលជាប់នៅក្នុងសង្គ្រាមនៅអ៊ុយក្រែន”៕
