បរទេស៖ នេះបើយោងតាមការចេញផ្សាយរបស់សារព័ត៌មាន RT នៅថ្ងៃទី៣ ខែមីនា ឆ្នាំ២០២២នេះ បានអោយដឹងថា មន្ត្រីជាន់ខ្ពស់ក្រសួងការបរទេសអាមេរិក បានប្រាប់ទៅសភា ថាទីក្រុងវ៉ាស៊ីនតោនកំពុងតាមសម្លឹងមើលចំពោះការដាក់ទណ្ឌកម្មទៅលើប្រទេសឥណ្ឌា ជុំវិញការទិញអាវុធពីប្រទេសរុស្ស៊ី។ ក្នុងនោះខាងអាមេរិកក៏កំពុងជម្រុញអោយឥណ្ឌាធ្វើការដាក់ទណ្ឌកម្មទៅលើប្រទេសរុស្ស៊ីជុំវិញការប្រើប្រាស់កម្លាំងយោធាទៅលើប្រទេសអ៊ុយក្រែន។
ក្នុងនោះលោក Donald Lu ជំនួយការរដ្ឋមន្ត្រីការបរទេសទទួលបន្ទុកកិច្ចការអាស៊ីខាងត្បូង បានប្រាប់ទៅសភាថា “លោក Joe Biden កំពុងតាមមើលយ៉ាងយកចិត្តទុកដាក់ ថាតើត្រូវដាក់ទណ្ឌកម្ម ឫក៏លើកលែងចំពោះប្រទេសដែលបានទិញសព្វាវុធពីរុស្ស៊ី”៕
