គ្រប់គ្នាដែលចូលមើលបណ្តាញទំនាក់ទំនងសង្គមរបស់ Aston Villa នៅថ្ងៃទី ៣ ខែមីនានេះ នឹងឃើញថាស្លាកសញ្ញារបស់ក្លឹបមើលទៅខុសគ្នាបន្តិចបន្តួច ដោយសត្វតោដ៏លេចធ្លោមួយក្បាលត្រូវបានដកចេញពីស្លាកសញ្ញាដ៏ល្បីល្បាញ។
ក្រុមបាល់ទាត់ Premier League ស្ថិតក្នុងចំណោមក្រុមដែលផ្តល់ការគាំទ្រដល់យុទ្ធនាការ World Wide Fund for Nature (WWF) ដែលមានបំណងលើកកម្ពស់ការយល់ដឹងសម្រាប់ការគាំទ្រសត្វព្រៃ។
ហេតុអ្វីបានជា Villa កែប្រែនិមិត្តសញ្ញារបស់ពួកគេ ? យោងតាមការពន្យល់នៅលើគេហទំព័រផ្លូវការរបស់ក្លឹប ក្រុមដែលមានមូលដ្ឋាននៅ West Midlands បាននិយាយថា «Aston Villa បានបង្ហាញការគាំទ្រជាថ្មីម្តងទៀតរបស់យើងសម្រាប់ទិវាសត្វព្រៃពិភពលោក»។
«ក្លឹបកំពុងដកសត្វតោចេញពីស្លាកសញ្ញារបស់ក្លឹបនៅទូទាំងបណ្តាញប្រព័ន្ធផ្សព្វផ្សាយសង្គមផ្លូវការរបស់យើងនៅថ្ងៃព្រហស្បតិ៍ទី ៣ ខែមីនានេះ ដើម្បីជួយលើកកម្ពស់ការយល់ដឹងអំពីយុទ្ធនាការ #WorldWithoutNature»៕
