បរទេស៖ នេះបើយោងតាមការចេញផ្សាយរបស់ Channel News Asia នៅថ្ងៃទី៣ ខែមីនា ឆ្នាំ២០២២នេះ បានអោយដឹងថា មន្ត្រីជាន់ខ្ពស់របស់រុស្សីបានបញ្ជាក់មានមេដឹងនាំប្រទេសមួយចំនួនកំពុងតែរៀបចំធ្វើសង្គ្រាមប្រឆាំងនឹងរុស្សី ហើយថារុស្សីនឹងបន្តប្រតិបត្តិការយោធារបស់ខ្លួនក្នុងប្រទេសអ៊ុយក្រែនរហូតដល់ “ទីបញ្ចប់” ។
ក្នុងនោះលោក Lavrov រដ្ឋមន្ត្រីការបរទេសរុស្ស៊ី បាននិយាយថា ប្រតិបត្តិការយោធារបស់រុស្ស៊ី ប្រឆាំងនឹងអ៊ុយក្រែនគឺសំដៅលើការធានាថា ទីក្រុងគៀវ (Kyiv) មិនចូលរួមជាមួយអង្គការសន្ធិសញ្ញាអាត្លង់ទិកខាងជើង ហៅកាត់ (NATO) ឡើយ ។ ហើយលោកបន្ថែមថា រុស្សីគ្មានគំនិតចង់ធ្វើសង្គ្រាមនុយក្លេអ៊ែរនោះទេ ៕
