បរទេស៖ នេះបើយោងតាមការចេញផ្សាយរបស់សារព័ត៌មាន RT កាលពីថ្ងៃទី២ ខែមីនា ឆ្នាំ២០២២កន្លងទៅ បានអោយដឹងថា ក្រុមហ៊ុនផលិតថាមពលធំៗរបស់អាមេរិក បាននឹងកំពុងបញ្ចុះបញ្ចូលរដ្ឋបាលលោក Biden មិនអោយដាក់ទណ្ឌកម្មលើការនាំចូលសារធាតុអ៊ុយរ៉ាញ៉ូមពីប្រទេសរុស្ស៊ី វាអាចនឹងធ្វើតម្លៃអគ្គិសនីនៅក្នុងស្រុកមានការកើនឡើង។
ក្នុងនោះវិទ្យាស្ថានថាមពលជាតិរបស់សហរដ្ឋអាមេរិក ដែលមានក្រុមហ៊ុនធំៗ ដែលជាក្រុមហ៊ុនផលិតថាមពលនុយក្លេអ៊ែរ រួមមាន Duke Energy Corp និង Exelon Corp កំពុងតែធ្វើការបញ្ចុះបញ្ចូលរដ្ឋបាលលោក Biden ។
គួរបញ្ជាក់ផងដែរថា ថាមពលនុយក្លេអ៊ែរ ត្រូវបានគេយកទៅផលិតជាថាមពលអគ្គិសនី។ ហើយជិតពាក់កណ្តាលនៃរោងចក្រនុយក្លេអ៊ែរអាមេរិកដែលផលិតថាមពលអ៊ុយរ៉ាញ៉ូមបានមកពីប្រទេសរុស្ស៊ី និងប្រទេសជិតខាងរបស់ខ្លួន កាហ្សាក់ស្ថាន និងអ៊ូសបេគីស្ថាន៕
