បរទេស៖ នេះបើយោងតាមការចេញផ្សាយរបស់សារព័ត៌មាន CNN នៅថ្ងៃទី២៧ ខែកុម្ភៈ ឆ្នាំ២០២២នេះ បានអោយដឹងថា ប្រទេសអូស្ត្រាលី នឹងធ្វើការផ្គត់ផ្គង់អាវុធអោយអ៊ុយក្រែន ដើម្បីទប់ទល់នឹងរុស្សីតាមរយៈ NATO។
ក្នុងនោះនាយករដ្ឋមន្ត្រីអូស្ត្រាលី លោក Scott Morrison បានបញ្ជក់យ៉ាងដូច្នេះថា “យើងបានផ្ដល់រួចហើយឱ្យអ៊ុយក្រែននូវការគាំទ្រដ៏សំខាន់ នោះគឺជំនួយបរិក្ខាពេទ្យ និងបរិក្ខាយោធាមិនមែនជាអាវុធប្រយុទ្ធ។ ប៉ុន្តែ ខ្ញុំទើបតែបានជជែកជាមួយរដ្ឋមន្ត្រីការពារជាតិ ហើយយើងនឹងផ្ដល់ ការគាំទ្រដែលយើងអាចធ្វើបាន ក្នុងការផ្គត់ផ្គង់អាវុធប្រយុទ្ធឱ្យអ៊ុយក្រែន តាមរយៈប្រទេសជាដៃគូ NATO ជាពិសេសគឺសហរដ្ឋអាមេរិក និងចក្រភពអង់គ្លេស”៕
