ថៃ៖ នេះបើយោងតាមការចេញផ្សាយរបស់វ៉េបសាយ The Thaiger ចេញផ្សាយនៅថ្ងៃទី២០ ខែធ្នូ ឆ្នាំ២០២១នេះ បានអោយដឹងថា ក្រសួងសុខាភិបាលបានបញ្ជាក់ពីការរកករណីឆ្លងកូវីដ១៩ “អូមីក្រុង” ក្នុងសហគមន៍លើកដំបូងរបស់ថៃ។
គួរបញ្ជាក់ថាស្ត្រីដែលបានរកឃើញវិជ្ជមានកូវីដ១៩ “អូមីក្រុង” គឺបានឆ្លងពីប្តីរបស់ខ្លួនដែលបានមកពីក្រៅប្រទេស។ បុរសជាប្តីខាងលើបានមកដល់ប្រទេសថៃនៅថ្ងៃទី២៦ វិច្ឆិកា និងបានធ្វើតេស្តឃើញអវិជ្ជមានតាមរយៈ RT-PCR តេស្តនៅថ្ងៃមកដល់។ ហើយនៅថ្ងៃទី៣ ធ្នូ បុរសខាងលើក៏បានធ្វើដំណើរចេញពីសណ្ឋានគារទៅកាន់ផ្ទះនៅ Pathum Thani ភាគខាងជើងបាងកក។ នៅតាមផ្លូវគាត់បានឈប់ចូលក្នុងម៉ាតមួយកន្លែង។ គាត់ក៏មានអាការៈក្តៅខ្លួនផងដែរ ប៉ុន្តែគាត់បានធ្វើតេស្តរហ័សឃើញថាអវិជ្ជមាន។ គ្រានោះស្ត្រីជាប្រពន្ធបានមើលថែគាត់កំឡុងពេលឈឺ។ រហូតមកដល់ថ្ងៃទី៧ ខែធ្នូ ទើបបុរសខាងលើរកឃើញវិជ្ជមានកូវីដ១៩ “អូមីក្រុង” ខណៈនោះស្ត្រីជាប្រពន្ធក៏ត្រូវបានដាក់អោយធ្វើចត្តាឡីស័ក។ នៅ៣ថ្ងៃក្រោយ លទ្ធផលតេស្តប្រពន្ធបានចេញមកដោយឃើញថាវិជ្ជមាន កូវីដ១៩ “អូមីក្រុង”៕
