ថៃ៖ នេះបើយោងតាមគេហទំព័រក្នងស្រុកថៃ បានអោយដឹងថា នៅម៉ោងប្រមាណ ២៣:០០ យប់ថ្ងៃទី២ ខែវិច្ឆិកា ឆ្នាំ២០២១ម្សិលមិញនេះ មានហេតុការណ៍រថយន្តដឹកពលករខ្មែរ បានក្រឡាប់ បណ្តាលអោយមានអ្នកស្លាប់ ៥នាក់ និងរបួស ៨នាក់ នៅចំណុចផ្លូវបំបែកជា៤រង្វង់មូលភូមិ ខ្លង យ៉ាយអ៊ីន ឃុំវ៉ាំង ថង ស្រុកវ៉ាំង សំបូរណ៍ ខេត្តស្រះកែវ។
រថយន្តដែលជួបគ្រោះថ្នាក់នោះមានពាក់ស្លាកលេខ៤៥៥១ក្រុងបាងកក មានដឹកពលករខ្មែរសរុប១៣នាក់ មានមនុស្សស្លាប់ភ្លាមៗនៅកន្លែងកើតហេតុ៥នាក់ ក្នុងនោះស្រី៣និងប្រុស២នាក់ ដែលម្នាក់ក្នុងនោះគឺអ្នកបើកបរ សម្រាប់អ្នករងរបួសត្រូវបញ្ជូនទៅមន្ទីរពទ្យវ៉ាំង សំបូរណ៍៨នាក់ ក្នុងនោះរបួសធ្ងន់ម្នាក់ ។
យោងតាមអ្នកឃើញហេតុការណ៍បានរៀបរាប់ថា ខ្លួនកំពុងបើកម៉ូតូត្រឡប់ទៅផ្ទះ និងបានឈប់ម៉ូតូនិយាយទូរសព្ទ័ក្បែរចំណុចកើតហេតុផ្លូវបំបែជា៤ខ្លង យ៉ាយអ៊ីន មិនដល់មួយនាទីផង ក៏មានរថយន្តម៉ាក ភីកអាប់ បើកសំដៅមកយ៉ាងលឿន ឃើញរថយន្តមកបត់និងរេចង្កូតរួចក្រឡាប់នៅលើផ្លូវខាងស្ដាំដៃ និងក្រឡាប់មួយត្រឡប់ទៀត ធ្វើឲ្យរថយន្តក្រឡាប់២ត្រឡប់ ហើយក៏ជ្រុលទៅបុកបង្គោលភ្លើង។ ក្រោយកើតហេតុ គាត់បានរាយការណ៍ទៅអង្គភាពសង្គ្រោះ៕
