ថៃ៖ នេះបើយោងតាមការចេញផ្សាយរបស់កាសែតបាងកកប៉ុស្តិ៍ កាលពីថ្ងៃទី១២ ខែតុលា ឆ្នាំ២០២១ម្សិលមិញនេះ នាយកដ្ឋានវិទ្យាសាស្ត្រវេជ្ជសាស្ត្រ ថៃ បានបញ្ជាក់ថា លទ្ធផលមិនត្រឹមត្រូវ ដែលបានមកពីការធ្វើរហ័ស ស្វែងកូវីដ គឺមិនមានមកពីបញ្ហាគុណភាពនោះទេ ប៉ុន្តែវាមកពីសមត្ថភាពដែលមានកំណត់របស់ឧបករណ៍តេស្តទៅវិញ។
លោកវេជ្ជបណ្ឌិត Supakit Sirilak ដែលជាប្រធាន នាយកដ្ឋានវិទ្យាសាស្ត្រវេជ្ជសាស្ត្រ ថៃ បានបញ្ជាក់ថា លទ្ធផលការធ្វើតេស្តរហ័ស គឺមានអាចទុកចិត្តបាន ដូចជាការធ្វើតេស្តនៅម៉ាស៊ីនធំ (PCR) នោះទេ។
លោកបានបន្ថែមថា វាមានកត្តាជាច្រើនដែលធ្វើការលទ្ធផលតេស្តរហ័សមិនត្រឹមត្រូវ។ មូលហេតុទី១ គឺមនុស្សប្រើឧបករណ៍តេស្តរហ័សនៅពេល ពួកគេមានជំងឺផ្តាសាយ។ ចំណែកមូលហេតុទី២ គឺមនុស្សប្រើឧបករណ៍តេស្តរហ័សមិនបានធ្វើតាមការណែនាំនៅក្នុងប្រអប់។
ការពន្យល់របស់នាយកដ្ឋាននេះគឺជាការឆ្លើយតបទៅនឹងរបាយការណ៍របស់ប្រធានសុខាភិបាលសាធារណៈនៅខេត្តណាខនស៊ីថារ៉ាំរ៉ាត់ ដែលបញ្ជាឱ្យផ្អាកការប្រើប្រាស់តេស្តរហ័សសម្រាប់នៅតាមផ្ទះ ដែលក្នុងនោះក៏មានឧបករណ៍តេស្តរហ័សម៉ាក Lepuដោយសារតែលទ្ធផលចេញមក គឺវាមិនត្រឹមត្រូវ មានកំរិតខ្ពស់។
ខេត្តនេះបានធ្វើប្រៀបធៀបរវាងតេស្តរហ័សម៉ាក Lepu ទៅនឹងការធ្វើតេស្ត PCR សម្រាប់មនុស្ស ៣៩២ ករណី។ លទ្ធផលនៃការធ្វើតេស្តនៅម៉ាស៊ីន CPR រកឃើញករណីអវិជ្ជមានចំនួន ២២៣ ប៉ុន្តែសម្រាប់តេស្តរហ័សវិញរកឃើញករណីអវិជ្ជមានចំនួន ១២២ ប៉ុណ្ណោះ។
ឧបករណ៍នេះក៏ត្រូវបានសួរដោយសមាគមគ្រូពេទ្យជនបទផងដែរ អំពីភាពត្រឹមត្រូវនៃការធ្វើតេស្តរកមេរោគ Covid-19 ។
កាលពីមុន សមាគម បានអំពាវនាវឲ្យរដ្ឋាភិបាលបញ្ឈប់ការប្រើប្រាស់ឧបករណ៍នេះ ប៉ុន្តែមិនបានសម្រេច។ ក្រសួងសុខាភិបាលបានយល់ព្រមឲ្យប្រើប្រាស់ឧបករណ៍តេស្តរហ័ស Lepu ដោយសន្យាថា នឹងតាមដានលទ្ធផលយ៉ាងយកចិត្តទុកដាក់៕
ប្រភព៖ Bangkok Post
