បាងកក៖ នេះបើយោងតាមការចេញផ្សាយរបស់សារព័ត៌មាន The Nation បានអោយដឹងថាប្រទេសថៃនឹងបើកអោយភ្ញៀវទេសចរណ៍បរទេសចូលទៅកាន់ប្រទេសខ្លួន ដោយមិនបាច់ធ្វើចត្តាឡីស័កនោះទេ។ នេះបើយោងតាមការបញ្ជាក់របស់អភិបាលក្រុងបាងកក លោក Aswin Kwanmuang ដែលបានប្រកាសនៅថ្ងៃចន្ទនេះថា “ដើម្បីបើកទីក្រុងបាងកកអោយភ្ញៀវទេសចរណ៍បរទេស ដែលបានចាក់វ៉ាក់សាំងរួចរាល់ ដោយមិនបាច់ធ្វើចត្តាឡីស័ក គឺត្រូវតែបំពេញលក្ខខណ្ឌ ៣យ៉ាង”។
ចំពោះលក្ខខណ្ឌទាំង ៣នោះរួមមាន
១. ប្រជាជនក្រុងបាងកក ត្រូវចាក់វ៉ាក់សាំងគ្រប់ដូស ឱ្យបានយ៉ាងហោចណាស់ ៧០%។ ក្រុងបាងកកត្រូវបានប៉ាន់ស្មានថា នឹងសម្រេចបានគោលដៅនេះ ត្រឹមថ្ងៃទី២២តុលា។
២. ករណីឆ្លងកូវីដ១៩ថ្មីប្រចាំថ្ងៃ ត្រូវតែមាននិន្នាការថយចុះ។ បច្ចុប្បន្ន ចំនួនឆ្លងនៅក្រុងបាងកក មានពី ២៧០០ ទៅ ២៨០០នាក់ជាមធ្យម។
៣. ចំនួនអ្នកជំងឺដែលត្រូវបញ្ជូនទៅមន្ទីរពេទ្យ គួរតែបន្តថយចុះ៕
ប្រភព៖ The Nation
