ចាប់បានដំរីព្រៃ ដែលសម្លាប់អ្នកភូមិ២នាក់

មន្រ្តីដែលជម្រកសត្វព្រៃ ចាប់បានសត្វដំរីព្រៃមួយក្បាល ដែលបានសម្លាប់អ្នកភូមិចំនួន២នាក់ កាលពីសប្តាហ៍មុន នៅក្នុងស្រុក Wang Chan ក្នុងខេត្ត Rayong ប្រទេសថៃ។ លោក Weeraphong Korawat ប្រធានដែនជម្រកសត្វព្រៃ Ang Reu Nai បាននិយាយថានៅម៉ោង ៦ល្ងាចថ្ងៃសុក្រ ក្រុមមន្រ្តីចំនួន ៥០នាក់ បានតាមដានដំរីនេះ ដែលមានរហ្សនាមថា “spotted tusks” ។

លោក Weeraphong Korawat បាននិយាយថា «យើងបានបាញ់ឧបករណ៍តាមដាន ជាប់នៅលើខ្លួនសត្វដំរីនោះ ដើម្បីតាមដានដំណើររបស់វា» លោកបានបន្តថា «យើងបានរកដំរីនេះឃើញនៅលើភ្នំ ដែលជាតំបន់មួយដែលរថយន្តធុនធំ មិនអាចចូលទៅដល់ ដូចនេះយើងបានព្យាយាម ដេញវាឲ្យទៅទៅកន្លែងទូលាយដើម្បីចាប់វាដាក់ក្នុងឡាន»។

សត្វដំរីនេះត្រូវបានគេរាយការណ៍ថា បានសម្លាប់អ្នកជៀជ័រកៅស៊ូ ២នាក់នៅក្នុងស្រុក Khao Cha Mao និង Wang Chan កាលពីសប្តាហ៍មុន ដែលបានជំរុញឲ្យអាជ្ញាធរខេត្តប្រកាសដាក់តំបន់ទាំងនោះ ជាតំបន់គ្រោះថ្នាក់ និងហាមឃាត់អ្នកស្រុកមិនឲ្យចេញនៅពេលយប់៕

ប្រភព៖ The Nation Thailand