ទូរទស្សន៍ CNN ចេញផ្សាយកាលពីថ្ងៃសៅរ៍ទី១២ខែមករានេះបានឲ្យដឹងថាក្រុមហ៊ុនលក់រថយន្តអាល្លឺម៉ង់បានប្រកាសថាខ្លួនទទួលបានតួលេខលក់បំបែកឯកទក្តកម្មកាលពីឆ្នាំ២០១៨ដោយសរុបចំនួនលក់មានប្រមាណជា១០,៨លានគ្រឿងដោយក្នុងនោះមានប្រមាណជា១០០០០០គ្រឿងជារថយន្តប្រើប្រាស់ថាមពលអគ្គិសនី។
តួលេខនៃការលក់ប្រចាំឆ្នាំដែលបានរាយការណ៍ដោយអ្នកដឹកនាំទីផ្សារអឺរ៉ុបកាលពីថ្ងៃសុក្របានគូសបញ្ជាក់ថាក្នងទីផ្សារប្រកួតប្រជែងដ៏ធំបច្ចុប្បន្នក្រុមហ៊ុនផលិតរថយន្តលើលោកបានចាប់ផ្តើមចាក់បញ្ចូលលុយវិនិយោគរាប់ពាន់លានដុល្លារទៅក្នុងសង្វាក់ផលិតកម្មរថយន្តអគ្គិសនីនិងបច្ចេកវិទ្យាដែលពាក់ព័ន្ធវិញ។
ក្រុមហ៊ុន Volkswagen ដែលរួមមានទាំងរថយន្តប្រភេទ Audi, Porsche និង Skoda ផងនោះបានលក់រថយន្តអគ្គីសនីរបស់ខ្លួនត្រឹមតែ៤ម៉ឺនគ្រឿងកាលពីឆ្នាំមុនឬប្រមាណជា០,៤ភាគរយនៃការចែកចាយសរុប។ តួលេខនេះបានកើនឡើងដល់១០០០០០រឺ០,៩ភាគរយជារថយន្តកូនកាត់៕
ប្រែសម្រួល: Mr Lee
