ក្លឹបជើងឯកអ៊ីតាលី Juventus ត្រូវបាន the Goal ចេញផ្សាយថាកំពុងតែបានត្រៀមខ្លួនរួចរាល់ហើយ ក្នុងការដាក់លក់កីឡាករ Douglas Costa ចេញពីក្លឹបនៅរដូវក្តៅនេះ ទាំងដែលបានដឹងដែរថាបិសាចក្រហម Man United បានបង្ហាញផែនការចង់បានកីឡាកររូបនេះ។
កាសែតអ៊ីតាលី Calciomercato ក៏បានសរសេរដែរថាក្លឹបនឹងដាក់បញ្ចូលកីឡាករប្រេស៊ីលរូបនេះ ទៅក្នុងបញ្ជីកីឡាករដែលត្រូវលក់ចេញ នៅក្រោយពេលដែលកីឡាករ Dejan Kulusevski នឹងអាចវិលត្រឡប់ពីកុងត្រាខ្ចីជើងពីក្លឹប Parma វិញបានហើយនោះ។
គួរឲ្យដឹងដែរថាមួយរយៈចុងក្រោយនេះមានលេចលឺព័ត៌មានជាច្រើន ដែលបានបញ្ជាក់ថាក្លឹបបិសាចក្រហម Man United ពិតជាមានបំណងចង់បានកីឡាករខ្សែប្រយុទ្ធស្លាបវ័យ ២៩ឆ្នាំរូបនេះខ្លាំងមែនទែន ប៉ុន្តែជាក់ស្តែងមកដល់ពេលនេះ គឺនៅមិនទាន់មានសំណើរណាមួយដែល Juventus បានទទួលពី Old Trafford ឡើយ៕
ប្រែសម្រួល៖Lee
