យើងបានដឹងហើយថាកីឡាករខ្សែប្រយុទ្ធ Timo Werner នឹងមិនអាចបង្ហាញខ្លួនលើកដំបូងរបស់ខ្លួនបាននៅឡើយ ជូនតោខៀវ Chelsea រហូតដល់ខែកញ្ញាប៉ុន្តែនៅសប្តាហ៍នេះកីឡាកររូបនេះ ត្រូវបានគេមើលឃើញថា បានចាប់ផ្តើមហ្វឹកហាត់ ជាមួយនឹងក្លឹបទៅហើយ។
Werner បានចូលរួមហ្វឹកហាត់ជាលើកដំបូងកាលពីថ្ងៃចន្ទក្នុងពេលដែល Chelsea កំពុងបន្តការងាររបស់ខ្លួននៅ Champion League នៅឡើយនោះ។ Werner បានផ្ទេរមកពីក្លឹប RB Leipzig កាលពីខែមិថុនា ក្នុងតម្លៃខ្លួនប្រមាណជា ៤៧,៥លានផោន។
ក្រៅតែពីបានហ្វឹកហាត់ជាមួយនឹងក្លឹបហើយនោះតាមពិត Werner បានធ្វើដំណើរមកដល់ទីក្រុងឡុងរួចទៅហើយ និងថែមទាំងបានចូលរួមទស្សនាការប្រកួតចុងក្រោយដែល Chelsea ប្រកួតជាមួយនឹង Wolves ថែមទៀតផង៕
ប្រែសម្រួល៖ Lee
