គ្រប់គ្នាបានដឹងហើយថាមួយរយៈចុងក្រោយនេះព័ត៌មានចចាមអារ៉ាមរវាងកីឡាករឆ្នើម Kylian Mbappe ជាមួយនឹងហង្សក្រហម Liverpool ផងនិងអធិរាជស Liverpool ប៉ុន្តែកីឡាករបានចេញមកបញ្ជាក់ហើយថា នឹងប្តេជ្ញាចិត្តបន្តលេងជាមួយនឹងក្លឹប PSG ដដែលក្រោយចប់រដូវក្តៅឆ្នាំនេះ។
ប៉ុន្មានឆ្នាំចុងក្រោយនេះ PSG មិនអាចលើកពានអ៊ឺរ៉ុបធំណាមួយឡើយដែលជាហេតុធ្វើឲ្យ Mbappe មានការលំបាកខ្លះដែរ ក្នុងបន្តលេងនៅទីនេះ ប៉ុន្តែទោះបីជាយ៉ាងណា Mbappe នឹងនៅតែសាកល្បងមួយរដូវកាលទៀត ដើម្បីសម្រេចផែនការជាមួយគ្នា។
Mbappe ថ្លែងប្រាប់ទៅ BeIN Sport ថា៖ខ្ញុំនៅទីនេះដើម្បីធ្វើការគម្រោងដែលមានរយៈពេល៤ឆ្នាំហើយ ខ្ញុំគ្មានបញ្ហាឡើយ ដើម្បីព្យាយាមឲ្យអស់ពីសមត្ថភាពម្តងហើយម្តងទៀត ដើម្បីអាចលើកពានរង្វាន់ច្រើន តាមដែលអាចធ្វើបាន៕
ប្រែសម្រួល៖ Lee
