ការប្រកួតដែលជាជ័យជំនះលើក្រុម Norwich យប់មិញ Chelsea បានឡើងទៅដល់លេខរៀងទី៣ជាមួយ៤ពិន្ទុដាច់ពី Leicester City និង Man United ក្នុងលទ្ធផលត្រឹមតែ១ទល់នឹង០ប៉ុណ្ណោះ។
អ្វីដែលគួរឲ្យចាប់អារម្មណ៍ក្នុងការប្រកួតនោះផងដែរគឺកីឡាករចំណូលថ្មីដែលទើបផ្ទេរមកពី Ajax គឺខ្សែប្រយុទ្ធ Hakim Ziyech បានធ្វើដំណើរមកទស្សនាការប្រកួតនេះដោយផ្ទាល់។តាមពិតកីឡាកររូបនេះបានធ្វើការហ្វឹកហាត់ជាលើកដំបូងហើយនៅទីលានក្លឹប Cobham។
ការផ្ទេរដែលត្រូវបានធ្វើឡើងតាំងតែពីដើមឆ្នាំក្នុងតម្លៃខ្លួន៣៦លានផោនកីឡាករ Ziyech នឹងអាចមានវត្តមានជាផ្លូវការក្នុងការប្រកួតរដូវកាលក្រោយរបស់ក្លឹប។កីឡាករជំនាញជើងឆ្វេងវ័យ២៧ឆ្នាំរូបនេះអាចនឹងត្រូវបានគេរំពឹងថាពាក់លេខ១០ហើយលេងនៅខ្សែប្រយុទ្ធស្លាបស្តាំឬកណ្តាលក្រោមការដឹកនាំរបស់លោក Frank Lampard៕
ប្រែសម្រួល៖Lee
